Það var flottur hópur Geysisfélaga sem fór á Kjarvalsstaði í gær fimmtudag 7. desember. Það var Sigríður Melrós myndlistarmaður og safnakennari sem tók á móti hópnum. Hún leiddi hópinn um sýningu Heklu Daggar sem stendur yfir í austursal safnsins og einnig um sýninguna í vestursal þar sem sjá má verk eftir nokkra brautryðjendur íslenskrar myndlistar á 20. öld sem ber yfirskriftina Kjarval og 20. öldin. Mjög áhugaverðar sýningar. Sýning Heklu Daggar er ágætt yfirlit vinnu hennar síðust 30 árin eða svo og sýnir svo ekki verður um villst hversu öflug hún er í framvarðarsveit samtímalistar á Íslandi og erlendis. Einng var mjög áhugavert að sjá hverning sum verk Heklu Daggar ríma við verk frumherjanna þó nálgunin og útfærslur séu ólíkar. Sigríður Melrós var lifandi og öflug í leiðsögninni og þökkum við henni góða nærveru.
