Klúbburinn Geysir
Samvinna – Samræður – Samhljómur
Batastjarnan
Batastjarnan (Recovery star) er verkfæri til að styðja við mæla og meta breytingar sem tengist samfélagsþátttöku fólks sem stríðir við geðrænar áskoranir.
Batastjarnan er einnig lykilverkfæri því með henni er hægt að kortleggja leiðina til bata og mæla framfarir samkvæmt áætlun sem sett er fram skriflega í samvinnu starfsmanns og félaga. Að liðnum tveimur til þremur mánuðum er aftur sest niður með viðkomandi og árangur metinn, hvort boginn hafi verið reistur of hátt eða tímalína of stutt eða og löng. Ferlið er síðan endurmetið eftir því sem þurfa þykir og í samræmi við hvernig til hefur tekist
Batastjarnan rýnir fyrst og fremst í tíu grundvallarsvið sem hafa reynst mikilvægust á bataferlinu:
- Geðheilsustýring
- Náin sambönd
- Sjálfsumhirðu
- Fíknihegðun
- Lífsfærni
- Ábyrgð og skyldur
- Tengslanet
- Sjálfsmynd og sjálfsálit
- Atvinna
- Traust og von.
Batastjarnan mælir tengsl notandans við hvert þessara sviða, þær hindranir/styrkleika sem hann upplifir á hverju sviði fyrir sig og hvert viðhorf hans er og til að takast á við þær áskoranir.
